نیپال میں عید ملن شعری نشست

نیپال میں عید ملن شعری نشست

۱۸؍ جون ۲۰۰۱۸ء؁ مدرسہ اسلامیہ فیض الغرباء بھانٹر سر‘ نیپال کے میٹنگ ہال میںعید الفطر کے حسین موقع پر ’’کائناتِ سخن ‘‘کے زیر اہتمام وصی مکرانی واجدی کی صدارت میں عید ملن شعری نششت کا انعقاد ہوا ‘جس میں مقامی شعرا حضرات نے شرکت فرمائی اور اپنے پسندیدہ اشعار سے شائقینِ شعروادب کو محظوظ کیا۔ پورا ہال سامعین سے پُر تھا۔۱۱؍ بجے دن سے ۳؍ بجے تک دل جمعی کے ساتھ شائقین نے بھر پور لطف اُٹھایا۔ جن شعرائے کرام کے اشعار کو سامعین نے پسند کیا ملاحظہ فرمائیں: 

             ارے جو آسماں کی چھت کے نیچے روز سوتا ہے

           اسے معلوم کیا کہ گھر میں دروازہ بھی ہوتا ہے( وصیؔ مکرانی واجدی)

یک بہ یک مجھ کو صفِ منصور میں لایا گیا

ایک ہی قربت میں کیا سے کیاپذیرائی ہوئی(نسیمؔ نورانی)

یوسف نہیں تو مصر کا بازار بھی نہیں

              یعنی کوئی کسی کا خریدار بھی نہیں(نعمتؔ رضوی)

جلانے سے جہنم نے کیا انکار یہ کہہ کر

               مدینے کی مہک آتی ہے مجرم کے پسینے سے(رضوانؔ احمد)

             پیار‘ محبت کے ساگر میں ڈوب کے بولے سب کا من

             سب کو مبارک عید ملن ہو‘ سب کو مبارک عید ملن(عشرت ؔوارثی)

         ذرے کو گہر‘تنکے کو شجر‘ مثبت کو منفی کرتے ہیں

          کیا شان ہے میرے آقا کی ہر شئے پہ حکومت کرتے ہیں(ضِماد اللہ مونسؔ مصباحی)

سرکار نے لکیریں جو کھینچی تھیں جس طرح

              وہ دشمنِ رسول وہیں پر مرا ملا(منظرؔ کھٹونوی)

               کیوں چاند میں کھوئے ہو اُلجھتے ہو ستاروں میں

                آقا کو مرے ڈھونڈو قرآن کے پاروں میں(امیر اللہ غوثی)

تشنگی بڑھنے لگی جب حشر کے میدان میں

             ساقیٔ کوثر ہمیں کو پلا کر چل دئے (اطہرؔ نیپالی)

دیکھئے قرآن کی ہر آیتِ تطہیر میں

            کر رہا ہے خود خدا شمس ا لضحیٰ کا تذکرہ(فرقان فیضی)

                                                 (مرسلہ:دلبر راہی)