بزمِ نوری سے طیبہ کے جلوے لے کے نعتِ نبی لکھ رہاہوں
دل سے اپنے عقیدت کے جذبے لے کے نعتِ نبی لکھ رہاہوں
ہے نگاہوں میں طیبہ کا منظر دل میں پنہاں ہے بس یادِسرور
جامِ عرفاں سے مستی کے قطرے لے کے نعتِ نبی لکھ رہاہوں
ہند میں غم کاماراہواہوں اور بد بخت وبے آسرابھی
سیرتِ پاک کے سارے قصّے لے کے نعتِ نبی لکھ رہاہوں
زائرینِ حرم!جاکے کہنا کیفیت کو مری شاہِ دیں سے
آج آنکھوںمیں اشکوں کے موتی لے کے نعتِ نبی لکھ رہاہوں
کیوں نہ گھرگھر میں مقبول ہو یہ کیوں نہ تاثیر ہو اس کی سب پر
خاکِ اجمیر کے پاک ذرّے لے کے نعتِ نبی لکھ رہاہوں
غلام ربانی فداؔ
 |
| Bazm-e-Noori Sey Taiba Ke Jalwe Le Ke Naat e Nabi Likh Raha Hon > Gulam Rabbani Fida |
Post a Comment